១. សាវតាគម្រោងៈ ក្រោមកិច្ចព្រមព្រៀងហិរញ្ញប្បទានរវាងរាជរដ្ឋាភិបាលកម្ពុជា និងធនាគារអភិវឌ្ឍន៍អាស៊ី(ADB) គម្រោងអភិវឌ្ឍវិស័យអប់រំទី៣(ESDP3) ត្រូវបានបង្កើតឡើងដោយផ្ដោតជាសំខាន់លើលទ្ធផលបីគឺ៖

1. បង្កើនការចូលរៀនរបស់សិស្សនៅអនុវិទ្យាល័យ
2. លើកកំពស់គុណភាពអប់រំនៅអនុវិទ្យាល័យ និង
3. លើកកម្ពស់ការគ្រប់គ្រងនៅអនុវិទ្យាល័យ។

២. សមាសភាគ ២.៣ និង២.៤ “ ការកែលម្អគុណភាពអប់រំផ្នែកគណិតវិទ្យា និងវិទ្យាសាស្រ្ដ ”  ជាសមាសភាគមួយនៃគម្រោងដែលផ្ដោតលើការបំប៉នសមត្ថភាពគ្រូបង្រៀនផ្នែកគណិតវិទ្យា និងវិទ្យាសាស្រ្ដ នៅអនុវិទ្យាល័យចំនួន១០០ នៃស្រុកចំនួន២៦ ន្នុងខេត្តគោលដៅចំនួន១៤ ដែលមានទីតាំងនៅជុំវិញបឹងទន្លេសាប និងខេត្តជាប់ព្រំប្រទល់ដែនមានដូចជា៖
ខេត្ត បន្ទាយមានជ័យ បាត់ដំបង កំពង់ចាម ត្បូងឃ្មុំ កំពង់ស្ពឺ កំពង់ធំ មណ្ឌលគីរី ព្រះវិហារ ពោធិ៍សាត់ រតនគីរី សៀមរាប ស្ទឹងត្រែង ប៉ៃលិន និងឧត្តរមានជ័យ ដែលជាខេត្តមានអត្រា
បោះបង់ការសិក្សាខ្ពស់។
សមាសភាគនេះសំខាន់ណាស់ និងដើរតួនាទីស្នូលក្នុងការជួយគាំទ្រសមាសភាគដ៍ទៃទៀត
របស់គម្រោងឱ្យទទួលបានជោគជ័យដូចជាជួយដល់សមាសភាគអភិវឌ្ឍសមត្ថភាព
នាយកសាលារៀន​ ដែលនឹងបញ្រ្ជាបខ្លឹមសារពីសមាសភាគការកែលម្អគុណភាពអប់រំ
ផ្នែកគណិតវិទ្យា និងវិទ្យាសាស្រ្ដ នេះផងដែរ ។
លទ្ធផលរំពឹងទុកនៃសមាសភាគ ការកែលម្អគុណភាពអប់រំផ្នែកគណិតវិទ្យា និងវិទ្យាសាស្រ្ដ គឺពង្រឹងសមត្ថភាពគ្រូបង្រៀននៅសាលាគោលដៅ និងពង្រឹងសមត្ថភាពគ្រូឧទ្ទេសថ្នាក់ជាតិ មកពីនាយកដ្ឋានពាក់ព័ន្ធ និងមជ្ឈមណ្ឌលគរុកោសល្យភូមិភាគទាំង៦។
សមាសភាគនេះមានលទ្ធផលរងសំខាន់ៗ៤គឺ៖

1. អញ្ជើញគ្រូឧទ្ទេសថ្នាក់ជាតិចំនួន៤៤នាក់(ផ្នែកគណិតវិទ្យា២៤នាក់ និងផ្នែកវិទ្យាសាស្រ្ដ២០នាក់)ដែលមានសមត្ថភាពចុះទៅបំប៉នគ្រូបង្រៀននៅសាលាគោលដៅ
2. កសាងឯកសារណែនាំគ្រូបង្រៀនផ្នែកគណិតវិទ្យា និងវិទ្យាសាស្រ្ដ ដោយ

បញ្រ្ជាបខ្លឹមសារពីឯកសារយោងសម្រាប់បំប៉នដល់ គ្រូបង្រៀនផ្នែកគណិតវិទ្យា និងវិទ្យាសាស្រ្ដ
តាមសាលាគោលដៅ

1. រៀបចំវគ្គបំប៉នសាកល្បងសម្រាប់គ្រូបង្រៀនផ្នែកគណិតវិទ្យា និងវិទ្យាសាស្រ្ដ
2. បំប៉នគ្រូបង្រៀនផ្នែកគណិតវិទ្យាចំនួន១០០នាក់ និងវិទ្យាសាស្រ្ដ៤០០នាក់នៅតាមសាលាគោលដៅ។
   

Thanks to Mr Tom Willson who helped create this website.